Sanskrit Poems

You have written nice poems in your diaries or a piece of paper but they have been lying in your cupboard?
It is time you did something about it!
Submit it here to keep your language and culture alive.
Just do your bit.

Be the one to SUBMIT.

On the SUBMIT page, use the online keyboard to type in your language - then copy-paste into the form. Do not forget to press the SUBMIT button after filling the form.

A Billion Stories: Built for India.

Sanskrit Poems

  • हृदये चित्रम् । -meheralok हृदये चित्रं ते आलिखितम् , आयासि द्रष्टुं न वा ?मन्येऽहं पर्याप्तनिमित्तमिदं, त्वाम ...
    Posted Feb 6, 2017, 8:28 AM by A Billion Stories
  • असतो मा सद्गमय -Sahana Harekrishna ॐ असतो मा सद्गमय ।तमसो मा ज्योतिर्गमय ।मृत्योर्मा अमृतं गमय ।ॐ शान्तिः शान्तिः शान्त ...
    Posted Oct 26, 2013, 6:59 PM by A Billion Stories
  • मधुराष्टकम् -श्री वल्लभाचार्य Fri Nov 09 2012 18:10:49 GMT-0800 (PST) अधरं मधुरं वदनं मधुरं नयनं मधुरं हसितं मधुरम् ।हृदयं मधुरं गमनं मधुरं मधुराधिपतेरखिलं मधुरम् ॥१॥वचन ...
    Posted Nov 9, 2012, 6:14 PM by A Billion Stories
Showing posts 1 - 3 of 7. View more »

हृदये चित्रम् । -meheralok

posted Feb 6, 2017, 8:28 AM by A Billion Stories

हृदये चित्रं ते आलिखितम् , आयासि द्रष्टुं न वा ?
मन्येऽहं पर्याप्तनिमित्तमिदं, त्वामानेतुं न वा !

पुरा यदा त्वां दृष्टवानहं चित्तं मे प्रहृष्टम् ।
त्वद्हृदयानुगतभावदर्शिस्मितं मुखे तव दृष्टम् ।
किं क्षणमेकं यावत्पुनश्च शक्यतेऽनुभवितुं न वा ॥१॥

व्याकुलितं मे जातं हृदयं रोचते न किञ्चिन्मे ।
त्वद्विरहदुःखं न सह्यमाशु आयाहि प्रियतमे ।
किं प्रेरयते गीतमिदं मे त्वां मा मिलितुं न वा ॥२॥
~मेहेरालोक~

-meheralok

Photo by:
Submitted by: meheralok
Submitted on: Thu Dec 15 2016 11:50:58 GMT+0530 (IST)
Category: Original
Language: संस्कृत/Sanskrit


- Read submissions at http://abillionstories.wordpress.com
- Submit a poem, quote, proverb, story, mantra, folklore, article, painting, cartoon, drawing, article in your own language at http://www.abillionstories.com/submit

असतो मा सद्गमय -Sahana Harekrishna

posted Oct 26, 2013, 6:59 PM by A Billion Stories

ॐ असतो मा सद्गमय ।
तमसो मा ज्योतिर्गमय ।
मृत्योर्मा अमृतं गमय ।
ॐ शान्तिः शान्तिः शान्तिः ॥

English Meaning :
Lead us from the non-being to true being, from the darkness to the Light, from death to Immortality.
Om Peace ! Peace ! Peace !
 


Photo by: -
Submitted by: Sahana Harekrishna
Submitted on: Wed Oct 23 2013 22:11:30 GMT+0530 (IST)
Category: Ancient Wisdom
Language: संस्कृत/Sanskrit
Copyright: Copy Free


- Read submissions at http://abillionstories.wordpress.com
- Submit a poem, quote, proverb, story, mantra, folklore, article, painting, cartoon, drawing, article in your own language at http://www.abillionstories.com/submit

मधुराष्टकम् -श्री वल्लभाचार्य Fri Nov 09 2012 18:10:49 GMT-0800 (PST)

posted Nov 9, 2012, 6:10 PM by A Billion Stories   [ updated Nov 9, 2012, 6:14 PM ]

अधरं मधुरं वदनं मधुरं नयनं मधुरं हसितं मधुरम् ।
हृदयं मधुरं गमनं मधुरं मधुराधिपतेरखिलं मधुरम् ॥१॥

वचनं मधुरं चरितं मधुरं वसनं मधुरं वलितं मधुरम् ।
चलितं मधुरं भ्रमितं मधुरं मधुराधिपतेरखिलं मधुरम् ॥२॥

वेणुर्मधुरो रेणुर्मधुरः पाणिर्मधुरः पादौ मधुरौ ।
नृत्यं मधुरं सख्यं मधुरं मधुराधिपतेरखिलं मधुरम् ॥३॥

गीतं मधुरं पीतं मधुरं भुक्तं मधुरं सुप्तं मधुरम् ।
रूपं मधुरं तिलकं मधुरं मधुराधिपतेरखिलं मधुरम् ॥४॥

करणं मधुरं तरणं मधुरं हरणं मधुरं रमणं मधुरम् ।
वमितं मधुरं शमितं मधुरं मधुराधिपतेरखिलं मधुरम् ॥५॥

गुञ्जा मधुरा माला मधुरा यमुना मधुरा वीची मधुरा ।
सलिलं मधुरं कमलं मधुरं मधुराधिपतेरखिलं मधुरम् ॥६॥

गोपी मधुरा लीला मधुरा युक्तं मधुरं मुक्तं मधुरम् ।
दृष्टं मधुरं शिष्टं मधुरं मधुराधिपतेरखिलं मधुरम् ॥७॥

गोपा मधुरा गावो मधुरा यष्टिर्मधुरा सृष्टिर्मधुरा ।
दलितं मधुरं फलितं मधुरं मधुराधिपतेरखिलं मधुरम् ॥८॥

- श्री वल्लभाचार्य

Submitted on: Mon Nov 05 2012 17:22:48 GMT-0800 (PST)
Category: Non-original work with Acknowledgements
Language: Sanskrit
Copyright: A Billion Stories (http://www.abillionstories.com)
Submit your own work at http://www.abillionstories.com
Read submissions at http://abilionstories.wordpress.com
Submit a poem, quote, proverb, story, mantra, folklore in your own language at http://www.abillionstories.com/submit

Srimad-Bhagavad-Gita Chapter-2 -Sekhar Thu Mar 29 2012 03:06:52 GMT-0700 (PDT)

posted Mar 29, 2012, 3:06 AM by A Billion Stories


|| द्वितीयोध्यायः ||
सञ्जय उवाच |

तं तथा कृपयाविष्टमश्रुपूर्णाकुलेक्षणम् ||
विषीदन्तमिदं वाक्यमुवाच मधुसूदनः ||१||

श्री भगवानुवाच |
कुतस्त्वा कश्मलमिदं विषमे समुपस्थितम् ||
अनार्यजुष्टमस्वर्ग्यमकीर्तिकरमर्जुन ||२||

क्लैब्यं मास्म गमः पार्थ नैतत्वय्युपपद्यते ||
क्षुद्रं हृदयदौर्बल्यं त्यक्त्वोत्तिष्ठ परन्तप ||३||

अर्जुन उवाच |
कथं भीष्ममहं संख्ये द्रोणं च मधुसूदन ||
इषुभिः प्रतियोत्स्यामि पूजार्हावरिसूदन ||४||

गुरूनहत्वा हि महानुभावान्
श्रेयो भोक्तुं भैक्ष्यमपीह लोके ||
हत्वार्थकामांस्तु गुरूनिहैव
भुञ्जीय भोगान् रुधिरप्रदिग्धान् ||५||

न चैतद्विद्मः कतरन्नो गरीयो
यद्वा जयेम यदि वा नो जयेयुः ||
यानेव हत्वा न जिजीविषामस्तेवस्थिताः
प्रमुखे धार्तराष्ट्राः ||६||

कार्पण्यदोषोपहतस्वभावः
पृच्छामि त्वां धर्मसंमूढचेताः ||
यच्छ्रेयः स्यान्निश्चितं ब्रूहि तन्मे
शिष्यस्तेऽहं शाधि मां त्वां प्रपन्नम् ||७||

न हि प्रपश्यामि ममापनुद्याद्
यच्छोकमुच्छोषणमिन्द्रियाणाम् ||
अवाप्य भूमावसपत्नमृध्दं
राज्यं सुराणामपि चाधिपत्यम् ||८||

सञ्जय उवाच |
एवमुक्त्वा हृषीकेशं गुडाकेशः परन्तपः ||
न योत्स्य इति गोविन्दमुक्त्वा तूष्णीं बभूव ह ||९||

तमुवाच हृषीकेशः प्रहसन्निव भारत ||
सेनयोरुभयोर्मध्ये विषीदन्तमिदं वचः ||१०||

श्री भगवानुवाच |
अशोच्यानन्वशोचस्त्वं प्रज्ञावादांश्च भाषसे ||
गतासूनगतासूंश्च नानुशोचन्ति पण्डिताः ||११||

न त्वेवाहं जातु नासं न त्वं नेमे जनाधिपाः ||
न चैव न भविष्यामः सर्वे वयमतः परम् ||१२||

देहिनोऽस्मिन् यथा देहे कौमारं यौवनं जरा ||
तथा देहान्तरप्राप्तिर्धीरस्तत्र न मुह्यति ||१३||

मात्रास्पर्शास्तु कौन्तेय शीतोष्णसुखदुःखदाः ||
अगमापायिनोऽनित्यास्तांस्तितिक्षस्व भारत ||१४||

यं हि न व्यथयन्त्येते पुरुषं पुरुषर्षभ ||
समुदुःखसुखं धीरं सोऽमृतत्वाय कल्पते ||१५||

नासतो विद्यते भावो नाभावो विद्यते सतः ||
उभयोरपि दृष्टोऽन्तस्त्वनयोस्तत्त्वदर्शिभिः ||१६||

अविनाशि तु तद्विध्दि येन सर्वमिदं ततम् ||
विनाशमव्ययस्यास्य न कश्चित्कर्तुमर्हति ||१७||

अन्तवन्त इमे देहा नित्यस्योक्ताः शरीरिणः ||
अनाशिनोऽप्रमेयस्य तस्माद्युध्यस्व भारत ||१८||

य एनं वेत्ति हन्तारं यश्चैनं मन्यते हतम् ||
उभौ तौ न विजानीतो नायं हन्ति न हन्यते ||१९||

न जायते म्रियते वा कदाचिन्नायं
भूत्वा भविता वा न भूयः ||
अजो नित्यः शाश्वतोऽयं पुराणो
न हन्यते हन्यमाने शरीरे ||२०||

वेदाविनाशिनं नित्यं य एनमजमव्ययम् ||
कथं स पुरुषः पार्थ कं घातयति हन्ति कम् ||२१||

वासांसि जीर्णानि यथा विहाय
नवानि गृह्नाति नरोपराणि ||
तथा शरीराणि विहाय जीर्णान्यन्यानि
संयाति नवानि देही |२२||

नैनं छिन्दन्ति शस्त्राणि नैनं दहति पावकः ||
न चैनं क्लेदयन्त्यापो न शोषयति मारुतः ||२३||

अच्छेद्योऽयमदाह्योऽयमक्लेद्योऽशोष्य एव च ||
नित्यः सर्वगतः स्थाणुरचलोऽयं सनातनः ||२४||

अव्यक्तोऽयमचिन्त्योऽयमविकार्योऽयमुच्यते ||
तस्मादेवं विदित्वैनं नानुशोचितुमर्हसि ||२५||

अथ चैनं नित्यजातं नित्यं वा मन्यसे मृतम् ||
तथापि त्वं महाबाहो नैनं शोचितुमर्हसि ||२६||

जातस्य हि ध्रुवो मृत्युर्ध्रुवं जन्म मृतस्य च |
तस्मादपरिहार्येऽर्थे न त्वं शोचितुमर्हसि ||२७||

अव्यक्तादीनि भूतानि व्यक्तमध्यानि भारत ||
अव्यक्तनिधनान्येव तत्र का परिदेवना ||२८||

आश्चर्यवत्पश्यति कश्चिदेनमाश्चर्यवद्वदति तथैव चान्यः ||
आश्चर्यवच्चैनमन्यः श्र्णोति
श्रुत्वाप्येनं वेद न चैव कश्चित् ||२९||

देही नित्यमवध्योऽयं देहे सर्वस्य भारत ||
तस्मात्सर्वाणि भूतानि न त्वं शोचितुमर्हसि ||३०||

स्वधर्ममपि चावेक्ष्य न विकम्पितुमर्हसि ||
धर्म्याद्धि युध्दाच्छ्रेयोऽन्यत्क्षत्रियस्य न विद्यते ||३१||

यदृच्छया चोपपन्नं स्वर्गद्वारमपावृतम् |
सुखिनः क्षत्रियाः पार्थ लभन्ते युध्दमीदृशम् ||३२||

अथ चेत्तवमिमं धर्म्यं संग्रामं न करिष्यसि ||
ततः स्वधर्मं कीर्तिं च हित्वा पापमवाप्स्यसि ||३३||

अकीर्तिञ्चापि भूतानि कथयिष्यन्ति तेव्ययाम् ||
संभावितस्य चाकीर्तिर्मरणादतिरिच्यते ||३४||

भयाद्रणादुपरतं मंस्यन्ते त्वां महारथाः ||
येषां च त्वं बहुमतो भूत्वा यास्यसि लाघवम् ||३५||

अवाच्यवादांश्च बहून्वदिष्यन्ति तवाहिताः ||
निन्दन्तस्तव सामर्थ्यं ततो दुःखतरं नु किम् ||३६||

हतो वा प्राप्स्यसि स्वर्गं जित्वा वा भोक्ष्यसे महीम् ||
तस्मादुत्तिष्ठ कौन्तेय युध्दाय कृतनिश्चयः ||३७||

सुखदुःखे समे कृत्वा लाभालाभौ जयाजयौ ||
ततो युध्दाय युज्यस्व नैवं पापमवाप्स्यसि ||३८||

एषा तेभिहिता सांख्ये बुध्दिर्योगे त्विमां श्रुणु ||
बुध्दया युक्तो यया पार्थ कर्मबन्धं प्रहास्यसि ||३९||

नेहाभित्रुमनाशोस्ति प्रत्यवायो न विद्यते ||
स्वल्पमप्यस्य धर्मस्य त्रायते महतो भयात् ||४०||

व्यवसायात्मिका बुध्दिरेकेह कुरुनन्दन ||
बहुशाखा ह्यनन्ताश्च बुध्दयोव्यवसायिनाम् ||४१||

यामिमां पुष्पितां वाचं प्रवदन्त्यविपश्चितः ||
वेदवादरताः पार्थ नान्यदस्तीतिवादिनः ||४२||

कामात्मानः स्वर्गपरा जन्मकर्मफलप्रदाम् ||
त्रियाविशेषबहुलां भोगैश्वर्यगतिं प्रति ||४३||

भोगैश्वर्यप्रसक्तानां तयापहृतचेतसाम् ||
व्यवसायात्मिका बुध्दिः समाधौ न विधीयते ||४४||

त्रैगुण्यविषया वेदा निस्त्रैगुण्यो भवार्जुन ||
निर्द्वन्दो नित्यसत्वस्थो निर्योगक्षेम आत्मवान् ||४५||

यावानर्थ उदपाने सर्वतः संप्लुतोदके ||
तावान्सर्वेषु वेदेषु ब्राह्मणस्य विजानतः ||४६||

कर्मण्येवाधिकारस्ते मा फलेषु कदाचन ||
मा कर्मफलहेतुर्भूर्मा ते सङ्गोस्त्व कर्मणि ||४७||

योगस्थः कुरु कर्माणि सङ्ग त्यक्त्वा धनञ्जय ||
सिध्द्यसिध्द्योः समो भूत्वा समत्वं योग उच्यते ||४८||

दूरेण ह्यवरं कर्म बुध्दियोगाध्दनञ्जय ||
बुध्दौ शरणमन्विच्छ कृपणाः फलहेतवः ||४९||

बुध्दियुक्तो जहातीह उभे सुकृतदुष्कृते ||
तस्माद्योगाय युज्यस्व योगः कर्मसु कौशलम् ||५०||

कर्मजं बुध्दियुक्ता हि फलं मनीषिणः ||
जन्मबन्धविनिर्मुक्ताः पदं गच्छन्त्यनामयम् ||५१||

यदा ते मोहकलिलं बुध्दिर्व्यतितरिष्यति ||
तदा गन्तासि निर्वेदं श्रोतव्यस्य श्रुतस्य च ||५२||

श्रुतिविप्रतिपन्ना ते यदा स्थास्यति निश्चला ||
समाधावचला बुध्दिस्तदा योगमवाप्स्यसि ||५३||



अर्जुन उवाच |
स्थितप्रज्ञस्य का भाषा समाधिस्थस्य केशव ||
स्थितधीः किं प्रभाषेत किमासीत व्रजेत किम् ||५४||


श्रीभगवानुवाच |
प्रजहाति यदा कामान्सर्वान्पार्थ मनोगतान् ||
आत्मन्येवात्मना तुष्टः स्थितप्रज्ञस्तदोच्यते ||५५||

दुःखेष्वनुद्विग्न मनाः सुखेषु विगतस्पृहः ||
वीतरागभयत्रोधः स्थितधीर्मुनिरुच्यते ||५६||

यः सर्वत्रानभिस्नेहस्तत्त्प्राप्य शुभाशुभम् ||
नाभिनन्दति न द्वेष्टि तस्य प्रज्ञा प्रतिष्ठिता ||५७||

यदा संहरते चायं कूर्मोङ्गानीव सर्वशः ||
इंद्रियाणीन्द्रियार्थेभ्यस्तस्य प्रज्ञा प्रतिष्ठिता ||५८||

विषया विनिवर्तन्ते निराहारस्य देहिनः ||
रसवर्जं रसोप्यस्य परं दृष्ट्वा निवर्तते ||५९||

यततो ह्यपि कौन्तेय पुरुषस्य विपश्चितः ||
इन्द्रियाणि प्रमाथीनि हरन्ति प्रसभं मनः ||६०||

तानि सर्वाणि संयम्य युक्त आसीत मत्परः ||
वशे हि यस्येन्द्रियाणि तस्य प्रज्ञा प्रतिष्ठिता ||६१||

ध्यायतो विषयान्पुंसः सङ्गस्तेषूपजायते ||
साङ्गात् संजायते कामः कामात् त्रोधोभिजायते ||६२||

त्रोधाद्दवति सम्मोहः सम्मोहात्स्मृतिविभ्रमः ||
स्मृतिभ्रंशाद्बुध्दिनाशो बुध्दिनशात्प्रणश्यति ||६३||

रागद्वेषवियुक्तैस्तु विषयानिन्द्रियैश्चरन् ||
आत्मवश्यैर्विधेयात्मा प्रसादमधिगच्छति ||६४||
प्रसादे सर्वदुःखानां हानिरस्योपजायते |
प्रसन्नचेतसो ह्याशु बुध्दिः पर्यवतिष्ठते ||६५||

नास्ति बुध्दिरयुक्तस्य न चायुक्थ्स्य भावना ||
न चाभावयतः शान्तिरशान्तस्य कुतः सुखम् ||६६||

इन्द्रियाणां हि चरतां यन्मनोनुविधीयते ||
तदस्य हरति प्रज्ञां वायुर्नावमिवाम्भसि ||६७||
तस्माद्यस्य महाबाहो निगृहीतानि सर्वशः ||
इन्द्रियाणीन्द्रियार्थेभ्यस्तस्य प्रज्ञा प्रतिष्ठिता ||६८||
या निशा सर्वभूतानां तस्यां जागर्ति संयमी ||
यस्यां जाग्रति भूतानि सा निशा पश्यतो मुनेः ||६९||

आपूर्यमाणमचलप्रतिष्ठं
समुद्रमापः प्रविशान्ति यद्वत् ||
तद्वत्कामा यं प्रविशन्ति सर्वे
स शान्तिमाप्नोति न कामकामी ||७०||

विहाय कामान्यः सर्वान्पुमांश्चरति निस्पृहः ||
निर्ममो निरहङ्कारः स शान्तिमधिगच्छति ||७१||

एषा ब्राह्मी स्थितिः पार्थ नैनां प्राप्य विमुह्यति ||
स्थित्वास्यामन्तकालेऽपि ब्रह्मनिर्वाणमृच्छति ||७२||

इति सांख्ययोगो नाम द्वितीयोध्यायः ||२||

Submitted by: Sekhar
Submitted on: Fri Dec 09 2011 20:48:09 GMT-0800 (PST)
Category: Ancient Wisdom
Language: Sanskrit
Copyright: Copy Free
Submit your own work at http://www.abillionstories.com
Read submissions at http://abilionstories.wordpress.com
Submit a poem, quote, proverb, story, mantra, folklore in your own language at http://www.abillionstories.com/submit

आचार्याणां शतं पिता -Sahana Harekrishna

posted Feb 1, 2012, 6:25 AM by A Billion Stories

||सुभाषितानि||

उपाध्यायान् दशाचार्यः, आचार्याणां शतं पिता|
सहस्रं तु पित्रन् माता, गौरवेणातिरिच्यते||

Submitted by: Sahana Harekrishna
Submitted on: Fri Dec 23 2011 08:07:07 GMT-0800 (PST)
Category: Ancient Wisdom
Language: Sanskrit
Copyright: Copy Free
Submit your own work at http://www.abillionstories.com
Read submissions at http://abilionstories.wordpress.com
Submit a poem, quote, proverb, story, mantra, folklore in your own language at http://www.abillionstories.com/submit

बालानां रोधनं बलं -Sahana Harekrishna

posted Feb 1, 2012, 6:25 AM by A Billion Stories

||सुभाषितानि||

दुर्बलस्य बलं राजा, बालानां रोधनं बलं|
बलं मूर्खस्य माणिक्यं, घोराणां अमृतं बलं||


Submitted by: Sahana Harekrishna
Submitted on: Fri Dec 23 2011 08:02:11 GMT-0800 (PST)
Category: Ancient Wisdom
Language: Sanskrit
Copyright: Copy Free
Submit your own work at http://www.abillionstories.com
Read submissions at http://abilionstories.wordpress.com
Submit a poem, quote, proverb, story, mantra, folklore in your own language at http://www.abillionstories.com/submit

Srimad-Bhagavad-Gita Chapter-1 -Sekhar

posted Jan 14, 2012, 3:12 AM by A Billion Stories   [ updated Jan 14, 2012, 9:34 PM ]

श्रीमद - भगवद - गीता 
|| प्रथमोध्यायः||

धृतराष्ट्र उवाच |
धर्मक्षेत्रे कुरुक्षेत्रे समवेता युयुत्सवः ||
मामकाः पाण्डवाश्चैव किमकुर्वत संजय ||१||

संजय उवाच |
दृष्ट्वा तु पाण्डवानीकं व्यूढं दुर्योधनस्तदा ||
आचार्यमुपसङ्गम्य राजा वचनमब्रवीत् ||२||

पश्यैतां पाण्डुपुत्राणामाचार्य महतीं चमूम् ||
व्यूढ़ां द्रुपदपुत्रेण तव शिष्येण धीमता ||३||

अत्र शूरा महेष्वासा भीमार्जुनसमा युधि ||
युयुधानो विराटश्च द्रुपदश्च महारथः ||४||

धृष्टकेतुश्चेकितानः काशिराजश्च वीर्यवान् ||
पुरुजित् कुन्तिभोजश्च शैब्यश्च नरपुङ्गवः || ५||

युधामन्युश्च विक्रान्त उत्तमौजाश्च वीर्यवान् ||
सौभद्रो द्रौपदेयाश्च सर्व एव महारथाः ||६||

अस्माकं तु विशिष्टा ये तान्निबोध द्विजोत्तम ||
नायका मम सैन्यस्य संज्ञार्थं तान् ब्रवीमि ते ||७||

भवान् भीष्मश्च कर्णश्च कृपश्च समितिंजयः ||
अश्वत्थामा विकर्णश्च सौमदत्तिर्जयद्रथः ||८||

अन्ये च बहवः शूरा मदर्थे त्यक्तजीविताः ||
नानाशस्त्रप्रहरणाः सर्वे युद्धविशारदाः ||९||

अपर्याप्तं तदस्माकं बलं भीष्माभिरक्षितम् ||
पर्याप्तं त्विदमेतेषां बलं भीमाभिरक्षितम् ||१०||

अयनेषु च सर्वेषु यथाभागमवस्थिताः ||
भीष्ममेवाभिरक्षन्तु भवन्तः सर्व एव हि ||११||

तस्य संजनयन्हर्ष कुरुवृद्धः पितामहः ||
सिंहनादं विनद्योच्चैः शङ्खं दध्मौ प्रतापवान् ||१२||

ततः शङ्खाश्च भेर्यश्च पाणवानकगोमुखाः ||
सहसैवाभ्यहन्यन्त स शब्दस्तुमुलोऽभवत् ||१३|

ततः श्वेतैर्हयैर्युक्ते महति स्यन्दने स्थितौ ||
माधवः पाण्डवश्चैव दिव्यौ शङ्खौ प्रदध्मतुः ||१४||

पाञ्चजन्यं हृषीकेशो देवदत्तं धनञ्जयः ||
पौण्ड्रं दध्मौ महाशङ्खं भीमकर्मा वृकोदरः ||१५||

अनन्तविजयं राजा कुन्तीपुत्रो युधिष्ठिरः ||
नकुलः सहदेवश्च सुघोषमणिपुष्पकौ ||१६||

काश्यश्च परमेष्वासः शिखण्डी च महारथः ||
धृष्टद्युम्नो विराटश्च सात्यकिश्चापराजितः ||१७||

द्रुपदो द्रौपदेयाश्च सर्वशः पृथिवीपते ||
सौभद्रश्च महाबाहुः शङ्खान्दध्मुः पृथक् पृथक् ||१८||

स घोषो धार्तराष्ट्राणां हृदयानि व्यदारयत् ||
नभश्च पृथिवीञ्चैव तुमुलोभ्यनुनादयन् ||१९||

अथ व्यवस्थितान् द्रष्ट्वा धार्तराष्ट्रान् कपिध्वजः ||
प्रवृते शस्त्रसम्पाते धनुरुद्यम्य पाण्डवः ||
हृषीकेशं तदा वाक्यमिदमाह महीपते ||२०||

अर्जुन उवाच |
सेनयोरुभयोर्मध्ये रथं स्थापय मेच्युत ||२१||

यावदेतान्निरीक्षेऽहं योध्दुकामानवस्थितान् ||
कौर्मया सह योध्दव्यमस्मिन्रणसमुद्यमे ||२२||

योत्स्यमानानवेक्षेऽहं य एतेऽत्र समागताः ||
धार्तराष्ट्रस्य दुर्बुध्देर्युध्दे प्रियचिकीर्षवः ||२३||

संजय उवाच |
एवमुक्तो हृषीकेशो गुडाकेशेन भारत ||
सेनयोरुभयोर्मध्ये स्तापयित्वा रथोत्तमम् ||२४||


भीष्मद्रोणप्रमुखतः सर्वेषां च महीक्षिताम ||
उवाच पार्थ पश्यैतान्समवेतान् कुरूनिति ||२५||

तत्रापश्यत् स्थितान् पार्थः पितॄनथ पितामहान् ||
आचार्यान् मातुलान् भ्रात्र्र्न पुत्रान् पौत्रान् सखींस्तथा ||
श्वशुरान् सुहृदश्चैव सेनयोरुभयोरापि ||२६||

तान् समीक्ष्य स कौन्तेयः सर्वान्बन्धूनवस्थितान् ||
कृपया परयाविष्टो विषीदन्निदमब्रवीत् ||२७||

अर्जुन उवाच |
दृष्ट्वेमं स्वजनं कृष्ण युयुत्सुं समुपस्थितम् ||
सीदन्ति मम गात्राणि मुखं च परिशुष्यति ||२८||

वेपथुश्च शरीरे मे रोमहर्षश्च जायते ||
गाण्डीवं स्त्रंसते हस्तात्वक् चैव परिदह्यते ||२९||

न च शक्नोम्यवस्थातुं भ्रमतीव च मे मनः ||
निमित्तानि च पश्यामि विपरीतानि केशव ||३०||

न च श्रेयोऽनुपश्यामि हत्वा स्वजनमाहवे ||
न कांक्षे विजयं कृष्ण न च राज्यं सुखानि च ||३१||

किं नो राज्येन गोविन्द किं भोगैर्जीवितेन वा ||
येषामर्थे कांक्षितं नो राज्यं भोगाः सुखानि च ||३२||

त इमेऽवस्थिता युध्दे प्राणांस्त्यक्त्वा धनानि च ||
आचार्याः पितरः पुत्रास्तथैव च पितामहाः ||३३||

मातुलाः श्वशुराः पौत्राः श्यालाः संबन्धिनस्तथा ||३४||

एतान्न हन्तुमिच्छामि घ्नतोऽपि मधुसूदन ||
अपि त्रैलोक्यराज्यस्य हेतोः किं नु महीकृते ||३५||

निहत्य धार्तराष्ट्रान्नः का प्रीतिः स्याज्जनार्दन ||
पापमेवाश्रयेदस्मान्हत्वैतानात तायिनः ||३६||

तस्मान्नार्हा वयं हन्तुं धार्तराष्ट्रान् स्वबान्धवान् ||
स्वजनं हि कथं हत्वा सुखिनः स्याम माधव ||३७||

यद्यप्येते न पश्यन्ति लोभोपहतचेतसः ||
कुलक्षयकुतं दोषं मित्रद्रोहे च पातकम् ||३८||

कथं न ज्ञेयमस्माभिः पापादस्मान्निवर्तितुम् ||
कुलक्षयकृतं दोषं प्रपश्यद्भिर्जनार्दन ||३९||

कुलक्षये प्रणश्यन्ति कुलधर्माः सनातनाः ||
धर्मे नष्टे कुलं कुत्स्नमधर्मोऽभिभवत्युत ||४०||

अधर्माभिभवात् कृष्ण प्रदुष्यन्ति कुलस्त्रियः ||
स्त्रीषु दुष्टासु वार्ष्णेय जायते वर्णसङ्करः ||४१||

सङ्करो नरकायैव कुलघ्नानां कुलस्य च ||
पतन्ति पितरो ह्येषां लुप्तपिण्डोदकक्रियाः ||४२||

दोषैरेतैः कुलघ्नानां वर्णसङ्करकारकैः ||
उत्साद्यन्ते जातिधर्माः कुलधर्माश्च शाश्वताः ||४३||

उत्सन्नकुलधर्माणां मनुष्याणां जनार्दन ||
नरके नियतं वासो भवतीत्यनुशुश्रुम ||४४||

अहो बत महत्पापं कर्तुं व्यवसिता वयम् ||
यद्राज्यसुखलोभेन हन्तुं स्वजनमुद्यताः||४५||

यदि मामप्रतीकारमशस्त्रं शस्त्रपाणयः ||
धार्तराष्ट्रा राणे हन्युस्तन्मे क्षेमतरं भवेत् ||४६||

सञ्जय उवाच |
एवामुक्तवाऽर्जुनः संख्ये रथोपस्थ उपाविशत् ||
विसृज्य सशरं चापं शोकसंविग्नमानसः ||४७||


इति अर्जुन विषादयोगो नाम प्रथमोध्यायः ||१||

Submitted by: Sekhar
Submitted on: Thu Dec 08 2011 01:40:27 GMT-0800 (PST)
Category: Ancient Wisdom
Language: Sanskrit
Copyright: Copy Free
Submit your own work at http://www.abillionstories.com
Read submissions at http://abilionstories.wordpress.com
Submit a poem, quote, proverb, story, mantra, folklore in your own language at http://www.abillionstories.com/submit
Dhritrashtra-Sanjaya Gita-Chapter-1

Bhagwad Gita - Chapter-1

1-7 of 7